A TRAZZERA

Un lampu…un tronu… si fici scura scura ‘a trazzera
com’ un rimproviru mannatu d’ù Signuri.
Nuddu chi pìpita, su tutti ‘nguttumàti
cunigghia, aceddi e omini…scantati.

Un sannu mancu iddi quantu dura
e ora ca cumincia a sbrizziàri
ognunu penza e propri pintimenti
e si nni fà affacciari arreri ‘u suli
chistu ‘un lu fazzu ‘cchiù, lu giuru e Santi.

U scrùsciu ‘i l’acqua ‘i celu và a ‘nfurzàri
e ogni tantu agghiòrna ‘nmenzu ‘u locu.

Ma cu l’avissi dittu anfina antura
c’ò  suli c’abbampàva a ficazzana e ‘a rappa i ‘nzòlia
s’avìa a ghiri ammucciàri, zittu zittu
darreri a negghia scura, e china ’i bòria.

‘U zzàccanu chi fici l’acqua ‘i celu
ora si va asciucànnu, araçiu araçiu.

D’à terra nesci puru ‘u bbabbaluci 
chi corna tisi e tuttu chi vavìa
talìa l’arcubbalenu c’abbrazza a vaddi
e un pezzu ‘ i celu già allatinàtu
e già s’ù và scurdannu ‘u malutempu
c‘anfina antura lu facìa trimari
scantatu e pinzirusu dintra a scòccia.

Ma ogni cosa veni ‘nna sta terra
pi vuluntà Divina , amara o duci.

Un’aspittàmu sempri ‘u malutempu
pi jùnciri sti manu innnanzi a Ddiu
p’addumannàrici n’anticchia ‘i luci.

Un raggiu ‘i suli doppu na chiuvuta
ni fà scialàri e rallegrari ‘u cori
circamu r’apprizzàrlu puru quannu
‘u celu è azzurru…   
e ‘u ventu un movi fògghia.

La trazzera

Un lampo...un tuono...si  fece tenebrosa la trazzera (*) /  come un rimprovero mandato dal Signore. / Nessuno che parla, sono tutti afflitti / conigli uccelli e uomini...spaventati. / Non lo sanno neanche loro quanto durerà / e ora che comincia a piovigginare  / ognuno pensa ai propri pentimenti, / e se ci fai spuntare di nuovo il sole / questo non lo faccio più, lo giuro ai Santi. / Il rumore della pioggia va aumentando / e ogni tanto albeggia in mezzo  al campo. / Ma chi l’avrebbe detto fino a poco fa / che il sole che infiammava  il fico e il grappolo d’uva / doveva andare a nascondersi zitto zitto / dietro la nuvola scura e piena di boria. / Il pantano che ha creato la pioggia  / ora si va asciugando piano piano. / Dalla terra esce pure la lumaca / con le corna tese e tutta che sbava, / guarda l’arcobaleno che abbraccia la valle / e un pezzo di cielo già rasserenato / e già va dimenticando il maltempo / che fino a poco fa la faceva tremare / spaventata e pensierosa dentro la chiocciola. /  Ma ogni cosa viene in questa terra / per volontà divina amara o dolce. / Non aspettiamo sempre il maltempo / per giungere queste mani innanzi a Dio / a domandargli un po’ di luce. / Un raggio di sole dopo la pioggia / ci fa gioire e rallegrare il cuore / cerchiamo di apprezzarlo anche quando / il cielo è azzurro... e il vento non muove foglia.

 (*) Stradina di campagna

Carrettu Sicilianu             (A mio nonno Pietro)

Chiddu ca pi mè nannu Petru era
prima nicissità p’ù sò travagghiu
addivintò pi nuatri ‘na bannera
e opira d’arti ‘n’ ogni sò dittagghiu.
La rota ‘un scrusci cchiù nta la pirrera
ma musica li canti ‘i carrittera.

Li vidinu sfilari ammàarati
li furasteri e tutti ‘i paisani
comu giuielli rari sù ammirati
p’ì festi d’ì citati Siciliani.
Supra ‘i barruna li testi ‘ntagghiati
e nto sidduni giumma culurati.

Li masciddara sunnu quatri fini
pittati d’ì Ducatu ‘i Bagarioti
Orlannu cu Rinaldu spadaccini
si movinu ch’i mossi di li roti.
Di sita svintulìanu li nastrini
specchi e giummidda ‘i lana a pallini.

C’è lu rituni misu a pinnuliari
sutta d’ù tavulazzu di davanti
pi mantinìri all’ummira ‘u manciari
l’alivi e un vastidduni p’ì viaggianti.
Vacìli pi l’armalu abbivirari
bùmmulu e varrileddu pi tummàri.

A pinnuluni sutta d’ù casciuni
p’ì notti ca nun c’er’a luna china
ncucciat’on croccu c’era lu lampiuni
e p’attaccari ‘u cani la catina.
Splenni lu giallu d’ù nostru lumiuni
e di li sangunelli l’aranciuni.

L’asti sunnu du vrazza d’alligria
c’abballanu ‘na bella tarantella
cu musica ‘i cianciani c’arricrìa
e lu cavaddu abbrazzanu d’à bella.
E ogni tantu all’aria si sintìa
lu scrùsciu di la zotta chi scattìa.

Comu na cosa di granni valuri
cu nn’avi unu strittu si lu teni
si lu mmizzigghia e ‘allustra a tutti l’uri
com’a nu figghiu ad’iddu voli beni.
E di li nostri nanni lu suduri
scinni e abbivìr’ad’iddu com’un çiuri.